أوبريت صح النوم ….بقلم المبدعة سميرة محمودي

أوبريت صح النوم بقلم المبدعة سميرة محمودي
عدي الفقر وقال ياسلام
اوعي تكتر في الاحلام
هو يدوب عش لعصفورة
حبة قمحة تنام مستورة
وبسرعة تعدي الايام
شخص /
بس انا حلمي تكون لي عمارة
فوق ع السطح كمان طيارة
جوة ف اوضتي سرير بستارة
واسمع روبي قبل ما انام

شخص /اسمع بس انا حلمي حكاية
باحلم احلي عروسة معايا
مهرها غالي وكتير مالي
تصبح ملكة وانا الخدام

شخص 3 /
اما انا حلمي صحيح جبار
حلمي دا قصر وله اسوار
حاشية وملك كمان وجواري
حراس صاحية ليل ونها ر
شخص /
ها ها هأ ها هأ هأ
اما انا حلمي فشئ معقول
باحلم بس ببير بترول
ساكن ارضي ويكون ملكي
واكون انا وحدي المسئول
فتاة /
باحلم احب واحد فنان
وكلامه كله جنان ف جنان
بس يكون مبسوط وياخدني
اقضي الصيف كله ف لبنان

فتاة اخري / تقضي الصيف كله ف لوبنان ( بسخرية ) وهي تتخيل الاكل بفجع

طب ما انا حلوة
اهو وننوسة باحلم بردو ابقي عروسة
وعريسي يبق معاه ويجيب
لي كل دقيقة مانجة وبسبوسة

شخص يبدو عليه علامات الثقافة والعلم ويرتدي نظارة /

مين قال الاحلام ممنوعة
احلموا دي الاحلام مشروعة
بس ازاي انا اكمل بحثي
والنور قاطع هنا من بدري
وكمان المية مقطوعة

/شخص / جوعان
انا عصافير بطني بتصوصو
فاضل زلطة كمان وتطير
نفسي ف لحمة صحيح
مايهمش
لحم خروف او لحم حمير

شخص /
اه يا ني انا عندي ولاية
وانا تعبان محتاح لدوايا
بعد ماكانت صحتي حلوة
الدنيا عملتها معايا

شخص /
واناشحات علي باب الله
عايز حسنة كمان لله
ابني وبنتي هناك هايموتوا
والحال مايل يا ولداه

شخص غني /يمر عليهم وينظر باستغراب لهم ويقول لهم

بس تعبت خلاص ومصدع
وقت كبير وانا واقف اسمع
احلام ياما واماني ياما
مين قالكوا يعني اني هادفع
/////////////////
شخص منهم /

حد انتدبك تيجي يابيه
انت منين ولا اسمك ايه
احنا بنحلم مع نعضينا
بوريه م الاغنيا بوريه

الغني /
انت فاكرني عايش مبسوط
باشرب مانجة وعصير توت
دنا ممنوع م الاكل دا كله
عندي السكر وفلات فوت

فتاة /شوفوا الراجل ابو الملايين
قاصد يبعد عنه العين
خد صحتي واديني عربية
وابني لي عندك لو قيراطين

فتاة / خد صحتي واديني فدان
ارحم عقلي من التوهان
واقطعلي تذكرة لحبيبي واقضي الصيف وياه ف لبنان

الفقر /حاسبوا لتقعوا هناك ف الخية
هاتضيعكوا الاحلام دية

ليه فاكرين الدنيا دي سهلة
او كل الاحلام وردية

شخص /
ابسط شئ في الدنيا نعيش
مية وهوي برغيف العيش
عيشة تكون عيشة ادمية
مش بالضنك وكله مافيش

شخص /احنا تعبنا من الايام
كل حياتنا كلام ف كلام
الجوع عمال يكتر وانت
مستخسر فينا الاحلام

الشخص المثقف /
*لو ان الفقر رجلا لقتله *
ابعد عن احلامنا وروح
ولا عشان ويانا مفضوح
انت ماخليت حتة سليمة
وورانا ومنين مانروح

الفقر / دايما انا مظلوم وياكم
ليه ظالمني صغاروكبار
سايبينكم تلعبوا بهواكم
وانتم نايمين ليل وننهار

فتاة /

ما الاغنيا فيهم نايمين
فيه حرامية وفيه خاينين
فيه املاك جايالهم رشوة
وبياخدوا الوسطة فدادين

الفقر / لو تقبل علي نفسك روح
وانا اعزل عنكم واروح
اصل الغني مش بس عمارة
او طيارة تعدى سطوح

الغني / فهمهم مش كل الناس
فيه اغنية ليهم احساس
وبيدو للفقرا زكاتهم
والصدقات والرحمة اساس
المثقف /
لو مملكة وملكها عظيم
ليل ونهار نازلين تعظيم
لكن هو مشغول عنهم
ولا فيه علم ولا تعليم

الفقر /فعلا انا والجهل اصحاب
والامراض لاحقانا علي الباب والاحلام وحدها لا هاتبني
ولا راح تاكلوا فطير وكباب

الغني /شوفوا قاعدين كام ساعة بتلكوا
وبتضحكوا دايما علي روحكوا
بتضيعوا في الوقت ويلا
بالاحلام قاعدين تتحكوا
///
الغني / اصحوا وفوقوا الحلم كفاح
والاحلام يلزمها تعبكم كل نجاح محتاج لنجاح

الفقر /
اصحو وصحصحوا صحو النوم
انسوا النوم وابدأوا م اليوم
زيلوا الجهل دا من قدامكم
ياما شفتوا م الجهل هموم

الغني /
كلنا لازم في الازمات
نتحمل ونكون اخوات
انا مسؤل عنكم هاساعدكم
وابني لكوا مصانع جاتوهات

يلا فقر وقول باباي
روح من هنا للعهد الجاي
راح نزرع ف بلدنا ونبني
ما احنا عر فنا الحلم ازاي